gutar og språk

[Jardar Eggesbø Abrahamsen]

I artikkel <csj8fk$gi6$1@orkan.itea.ntnu.no>
skreiv Ove Kr. Haugaløkken <ove.haugalokken@ntnu.no>:

> For NTNU: Dersom du slår opp på Studieavdelinga sine sider, under Seksjon
> for fakultetsservice, kan du finne både Eksamensstatistikk og
> registreringsstatistikk. Der finst det også tabellar som syner
> kjønnsfordeling på faga.

Hm, etter det eg kan sjå, er det kjempeunderskot på gutar, særleg på 
franskstudiet. På somme emne er det rundt 80 % jenter.

Kvifor er ikkje dette like interessant for politikarar og massemedia som 
at det er for få jenter som er interesserte i data?

> Nasjonalt: Statistisk sentralbyrå har statistikk for studentar ved
> universitet og høgskular, fordelt etter kjønn og fagfelt. Eg har ikkje
> funne så detaljert nasjonal statistikk som du spør etter, men det er
> interessant å sjå skilnaden i kjønnsfordeling mellom humanistiske fag og
> naturvitskapelege fag. Sjå:

30 % jenter på naturvitskaplege fag, handverksfag og tekniske fag.
36 % gutar på humanistiske og estetiske fag.
24 % gutar på lærarutdanninga.
Og alt i alt er berre 40 % av studentane generelt gutar. Oi. Dette borgar 
jo for klasseskilje basert på kjønn, med gutane som taparane.

Hm, kanskje me treng fleire kampanjar enn den som handlar om jenter og 
data.

I politiske festtalar heiter det at di fleire kvinnlege professorar me 
får, di fleire kvinner vil velja å utdanna seg i dei aktuelle faga.

Kanskje me må få litt fleire mannlege professorar på HF og 
lærarutdanninga?

(Og so må ein gjera massevis av andre ting i tillegg, vil eg tru.)

Jardar