Lite samarbeidsvillige ansatte på IDI

[Jardar Eggesbø Abrahamsen]

I artikkel <crtsdd$qmd$1@orkan.itea.ntnu.no>
skreiv UserAnonymous <anon@stud.ntnu.no>:

> Sutrekopper er dere like godt kvalifiserte til å være.

Ja, me lærer av studentane her på ntnu.fritt-forum: Nøkterne fakta = 
sutring, ikkje sant? Medan «eg vil ha meir, rettleiaren min tek seg ikkje 
god nok tid til meg, kvifor kan han ikkje berre forska mindre, ja han må 
forska mindre og bry seg om _meg_, for slikt kan han styra sjølv» er alt 
anna enn sutring. :)

> Dessuten tjener vel NTNU på at studentene får gode karakterer, det gir jo 
> sannsynligvis bedre og mer motiverte ansatte 10 år senere,

Eg er lei for å skuffa deg, men det er ikkje slik det fungerer. So lenge 
institutta balanserer på sveltegrensa her og no, og so lenge 
finansieringsmodellen baserer seg på masseproduksjon av eksamenar og 
artiklar, må me berre forhalda oss til det. Elles er det ikkje noko 
institutt å venda tilbake til om 10 år.

Dei som held ut som studentar og mellombels tilsette i alle desse åra, vil 
verta motiverte tilsette av heilt andre grunnar enn karrieremedgangen. 
Sjølv har eg vore mellombels tilsett i ti år, og har ikkje utsikter til 
fast stilling i overskodeleg framtid. Dette har eg sams med mange andre i 
den gruppa som du har omtala som folk som sit i «en skjermet tilværelse». 
(Universiteta er faktisk mellom dei institusjonane i det norske 
arbeidslivet som har høgst prosentdel med mellombels tilsette og lågast 
med fast tilsette.)

> siden de
> lovende studentene ofte vil returnere tilbake til Gløshaugen og dytte vekk
> de gamle sutrekoppene som teller kroner og øre og regner timelønn.

Timeløna var det vel ein student som kom trekkjande med... Dei tilsette 
har vel berre snakka om kor mykje arbeid dei gjer som ikkje er synleg for 
studentane, slik at studentane fort kan tru at dei tilsette berre har 
studentar å taka seg av. Ja, og so var det ein tilsett og kom med ei 
faktaopplysning til studenten som rekna timeløn.

Men når ein typisk stillingsinstruks, som folk får betalt for å utøva, 
inneheld ca. 50 % forsking og resten fordelt på administasjon og 
undervisning, og når det er viktig for deg at folk skal gjera det som dei 
er betalte for å gjera -- kvifor meiner du då at folk skal sløyfa 
halvparten av det som dei er betalte for å gjera, til fordel for 
studentane, og til økonomisk ulempe for institutta og dermed til ulempe 
for neste studentkull?

Er det ikkje betre då å krevja fleire tilsette?

Jardar